منبر الصوت العراقي غرفة جميع الاطياف العراقيه

منبر الصوت العراقي غرفة جميع الاطياف العراقيه


    من وحي الحلفي

    شاطر
    avatar
    menbar alsout al3ira8y
    المدير العام

    المساهمات : 637
    تاريخ التسجيل : 14/01/2010
    العمر : 44

    من وحي الحلفي

    مُساهمة  menbar alsout al3ira8y في الجمعة يناير 15, 2010 12:45 am

    لا تصفن ترى تنزف الصفنات وجرح الصفنه ما عاش اليضمده

    الجرف يرتاح من يصفن على الروج وصفنته تنتحر من تجي المده

    شوف السده رغم اتعارض الماي بس الماي ضل شابك السده

    تذب رمحك علي ما ادري شبيك زين شبيك تزعل من اصده

    ردت مده ويه غيرك حتى انساك اكو غيرك شفت بس ماكو مده

    ويامده التفيد وكلبي مشلوع ورغم مشلوع وانت تعيش عنده

    احبك واجد اكرهك ممنوعاشوفك مو حلو بس عيد ارسمك

    اسولف ويه هلي بغير موضوع اهلي اتسودنو جي جبت اسمك

    احسك مدري شنهي ابين الاضلوع اكطعت نفسي وعلي تفرض اشمك

    اتلوى من سمك حقي موضوع وما ترضالي اتلوى من سمك

    وتطشرني بحقد وتصيح اشاقيك وافرح بالشقى والتم وضمك

    كيفك سوي كلشي انه غلطان لان انه الي كتلك كول كيفي

    اذبحتني وسيفك انته بدمي غركان وتطالبني وتكلي جيب سيفي

    اذبحتني ادنه اشبكك من من اتخاف ما خفت الله خايف من نزيفي

    اعزاز ضيوف كلبي ومشو لعزاز ولا واحد بقى بس انته ضيفي

    بعدك بالكلب رغم الخلافات المسافات الغت بينك وبيني

    وما ينطيني كلبي ازعل وياك بس انشاء الله كلبي ينطيني

    اتوقع يجي فد يوم وانساك بس اتمنه اموت وما يجيني

    اعرفك مو الي بس انه اهواك لان انته الوحيد المالي عيني

    واريدك انت اي شي ايغطي العين حتى ما تصد بس الك هيه

    واريدك عله بيه وكون ما بيك انه وياك نتعاون عليه

    واريدك انت ريح اتصير وحبال وتهزني الريح ويفلتن اديه

    حتى اطشر انه بكل الادروب حتى منين ما تعبر عليه

      الوقت/التاريخ الآن هو الأحد مايو 27, 2018 3:39 am