منبر الصوت العراقي غرفة جميع الاطياف العراقيه

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منبر الصوت العراقي غرفة جميع الاطياف العراقيه

منبر الصوت العراقي غرفة جميع الاطياف العراقيه


    ابوذيه جدا حميله

    menbar alsout al3ira8y
    menbar alsout al3ira8y
    المدير العام


    المساهمات : 637
    تاريخ التسجيل : 14/01/2010
    العمر : 50

    ابوذيه جدا حميله Empty ابوذيه جدا حميله

    مُساهمة  menbar alsout al3ira8y الجمعة يناير 15, 2010 3:33 am

    جثير اشواك الي يمج والي ايام
    واليه شكم اخو عندج والي ايام
    النخل والماي وادعني والايام
    ويصيح ارجوك رد للناصريه
    ===================
    انه بهجر الليالي من ربعنه
    الف صاحب شرينه من ربعنه
    سبب جرحك يقلبي من ربعنه
    ابد ماللشماته اجروح بيه
    ===================
    اوصي الراح والرد من رساله
    عجب شبساع ينسه من رساله
    مشه او وده رساله من رساله
    جهنم بالضرف وداهه ليه
    ===================
    قبل من اصل طيب فره عينه
    هسه العكل طاحت فره عينه
    الوكت يخزر عليه فره عينه
    درت عنه وبقت عينه عليه
    ===================
    احباب الروح كلبو فرد كلبه
    اووكتنه بلون نص الليل كلبه
    دفعني ونكلبت شلون كلبه
    وسحكني ومن اثر ضل يسب بيه
    ===================
    ابد ماللشماته جروح تذكر
    وبعد عندي لربعي وياي تذكار
    نويت اتركهم او كصيت تذكار
    اسافر قررت باول منيه
    ===================
    اسافر قررت من غير ماعد
    وبعد مابيه اعدجروح ماعد
    حجيت او وضحت معناي ماعيد
    اخاف احجي وتفز اجروح بيه
    ===================
    اخاف احجي وتفز اجروح جسره
    اجس نبضه برهاوة شوق جسره
    جسر سويت للمهدوم جسره
    على جتافي وزرع عبوات بيه
    ===================
    على جتافي زرع عبوات ثارن
    واثاري ماعرفت اختار ثارانه
    لرد من اليخون الزاد ثارين
    ثار اجتافي والكلنا سويه
    ===================
    ثار اجتافي والكلنا يردن
    حرب واليكعد بروحي يره الدان
    اون ابصوت وجروحي يردن
    لحد ماوكعت جروحي بديه
    ===================
    لحد ماوكعت جروحي بجت له
    واليه شكم سهم عنده بجت له
    لون رب العرش يرضه بجتله
    اسويهه واكتله بابو ذيه
    ===================
    اسويهه واكتله بالسر انه
    دهن مااخلي حايج بالسر انه
    بعدهن جاياته بالسر انه
    حكتهن بيت بيت بذني اديه
    ===================

      مواضيع مماثلة

      -

      الوقت/التاريخ الآن هو الجمعة مارس 29, 2024 1:18 am