منبر الصوت العراقي غرفة جميع الاطياف العراقيه

منبر الصوت العراقي غرفة جميع الاطياف العراقيه


    دارميات عراقيه

    شاطر
    avatar
    menbar alsout al3ira8y
    المدير العام

    المساهمات : 637
    تاريخ التسجيل : 14/01/2010
    العمر : 44

    دارميات عراقيه

    مُساهمة  menbar alsout al3ira8y في الجمعة يناير 15, 2010 3:35 am

    اركض واصيح الويل من حبك اني *** اندارو عليه اثنين انت وزماني

    بس دمع وتهملين بطرانه ياعين من غرب المحبوب حسبالي تعمين

    ينزل عسل بشفاي من اذكر اسمك *** وارسم هلال العيد لو ردت ارسمك

    دمع الصبر تيزاب يحرك اعيوني *** ومن عشرتك ما اتوب لو يذبحوني

    تمثال الك من مـــاس وبكلبي منحوت *** كل ساعة كلبي ايروح ويبوسة بسكوت
    لاتسأل المشتاق اسال اجروحه***تلكي الجواب يكول بس انته روحه

    ماظل صبر بالروح واسود نظرهه *** لا من قهر لا ظيم حبك دمرهه

    مرخوص الك يهواي فوك الكلب دوس *** اتمنى بس وياك اكضي العمر بوس

    عاينت بس لشفاك والبيدي طاحت *** ماردت اكَول أهواك بس عيني صاحت

    من رحت نحت عليك نوح اليتامة *** وظلت أثر دمعات عالخد علام

    اسمر سمارك حلو والكذلة متره **** والكلب لو ينساك صدكني ابتره

    مو بالكلب ونساك ساري وي دمي ... كل علة بيه اتهون لو انته يمي

    غربة ودمع همال فايض بأدينة****مشتاكة للطيبين روحي الحنينة

    بأخر نفس مخنوك و اتمنى اشوفك.... و اعذرني بس الموت يجبرني اعوفك

    ارد انشد الدكتور والشاعر وياه *** شنهو الدوه الموصوف للفارك اهواه

    شنهو الجمال البيك كيكة وعليها شموع ... لك والله أخاف عليك من تضحك تموع
    روحي ويا روحك دوم خطهن مباشر *** والكلب بس للزين يهوي ويعاشر

    خف عقلي كلش راح جيت اسأل التيل *** ما مر عليك هواي يالتظوي باليل

    مياده من نشتاگ ينزل دمعنه *** والعين ابد متشوف يثگل سمعنه

    ليل وسهر واشواك طبكن سوية *** وسفة التعبت وياه يروح من ادية

      الوقت/التاريخ الآن هو الجمعة فبراير 23, 2018 1:36 pm