منبر الصوت العراقي غرفة جميع الاطياف العراقيه

منبر الصوت العراقي غرفة جميع الاطياف العراقيه


    حنین للشاعر محسن الدخیلی

    شاطر

    AL_sh3rA
    زائر

    حنین للشاعر محسن الدخیلی

    مُساهمة  AL_sh3rA في الأحد يناير 24, 2010 7:11 am

    حنين


    كليبي نسمة شوك عطشانه لهواج
    عيوني مشتاكه لضواج
    عيوني تاهت تيهت كلشي التريده
    وطلكت
    كلشي التريده
    والتهت تفتر وراج
    هوه شو كلبي اشتهاج
    وياسلام
    كون اشوفج
    شوفة عيونج فطور
    وعيد للجانوا صيام
    او كون ازورج
    حته اكظ شباج صدرج
    وارد احط طولي اويه طولج
    كون احس طعم الدفو
    بحضنج يروحي
    يدفي روحي
    واخدر بحضنج وانام
    كون احس طعم النده
    بشفتج عسل شفة عروس
    وكون اتيه وياج دنيه
    بغير دنيه
    كون اتيه
    وكون اتيه
    كون اعيش بغير عالم
    انه ونتي نغني بيه
    اشكد احبج
    انه من طبعي الاحبه
    اخبال بخبال اشتهيه
    ياحلم عاش اويه روحي
    كون كون
    وكلشي كون
    لو خلص عمري بحلم
    بس مااشوفج
    شلي بيه
    عيوني خرسه
    ولذة شفافج عطش
    جن روحي متعلمه عليه
    ارد اجيج
    انه بيه ذنوب الج
    كد مااحبج اشتهيج
    ارد اجيج
    شلون اجيج
    وروحي كلش بالعشك
    متحلفه بيج
    اتعلمت روحي عليج
    واشتهيج
    اشلون ماشوف اشتهيج
    الشوك بين ضلوعي طاح
    كون اضمج
    ايه يحنينه اضمج
    وين اضمج ؟؟
    كون احط روحي اويه روحج
    واستراح
    حته يوميه الصبح
    اترجه فال
    وحته اتريك
    نده شفافج
    ريوك بكل صباح
    الشوك من ياخذني ليج
    وحته كمت احجي ويه روحي
    اشلون اجيج
    وبيش اجيج
    - تجري الرياح بما لا ........-
    وانه ابشرج
    اسود من الليل بختي
    لاسفينه
    ولا اظن تجري الرياح

    للشاعر محسن الدخیلی

      الوقت/التاريخ الآن هو الجمعة فبراير 23, 2018 1:35 pm