منبر الصوت العراقي غرفة جميع الاطياف العراقيه

منبر الصوت العراقي غرفة جميع الاطياف العراقيه


    صَرخة عار للعاني إبوَطنْ مَجروحْ .. كَشر للبَعث وإتلفلف إبعارَه !

    شاطر
    avatar
    menbar alsout al3ira8y
    المدير العام

    المساهمات : 637
    تاريخ التسجيل : 14/01/2010
    العمر : 44

    صَرخة عار للعاني إبوَطنْ مَجروحْ .. كَشر للبَعث وإتلفلف إبعارَه !

    مُساهمة  menbar alsout al3ira8y في السبت فبراير 13, 2010 11:59 pm

    ابو احمد الحداد المسعودي

    خاين للشرَف بعيُونه طبع الذيبْ
    يعوي إويه البَعث أطباع غدارَه

    جبان ، أرعَن ، صَلف ، شيطانْ
    ولاجنه عراقي إنفضحَت أسرارَه

    صرخة عار للعاني إبوَطنْ مَجروحْ
    كَشرْ للبَعث وإتلفلفْ إبعارَه

    وَلاجنه إبحَصانه إبمَجلسْ الأعيانْ
    بايع للوَطنْ : الإرهابْ منْ دارَه

    أمسْ باكْ العراق اليُوم رَدْ ناطورْ
    حَرامي ومحتمي : بلسانه يتبارَه

    نسكُتْ منْ نشوف الذيبْ باك الدارْ؟
    وأنيابه تعَضنه ودَمنه يتجارَه؟!

    شنو ذنب الشعَبْ ينباكْ ليلْ إنهارْ
    وَأحزابْ السياسَه : إتفتْ المرارَه


    كلها إتشوف ، تسمَع ، حايرَه شتكولْ
    يُوميه إبفضيحه الخبَرْ جَرارَه

    عَيبْ إعله الوَطنْ يتنوحَط إبرجليه
    يبقه إمكَرَمْ ومنهوكْ : بفكارَه

    يبَلغ للبَعثْ بعلامْ وبتلفاز ...
    ولاجنه إبحكومَه : إيصَرحْ إبشارَه !!

    لتعيف القضيه إتكولْ حَلها إيهونْ
    والعاني تماده إبزمرَه غدارَه

    شلفه ولاتخافْ إتوسوسْ إبقانونْ
    وقانون العراق إوياكْ معيارَه

    يَعمي إتحَزمْ إبشعلانْ طلبه إبثارْ
    خله إيوَلي للجيرانْ هلْ الفارَه

    يشرد من يشوفكْ تردسْ إبديوانْ
    يختل من لظى البارود يتوارَه!!


    تمت

    نظمت ردا ًلتصريحات البعثي الأرعن ظافر العاني التي إعترف بها للبعث الكافر المنهزم ... العزة والنصر للعراق الجديد الديمقراطي

      الوقت/التاريخ الآن هو الأحد مايو 27, 2018 3:32 am