منبر الصوت العراقي غرفة جميع الاطياف العراقيه

منبر الصوت العراقي غرفة جميع الاطياف العراقيه


    قصيدة ندينْ إحنه البعثْ وسجونه والتعذيبْ ..... وندينْ اليأيدَه اليفزعْ : المثله !

    شاطر
    avatar
    menbar alsout al3ira8y
    المدير العام

    المساهمات : 637
    تاريخ التسجيل : 14/01/2010
    العمر : 45

    قصيدة ندينْ إحنه البعثْ وسجونه والتعذيبْ ..... وندينْ اليأيدَه اليفزعْ : المثله !

    مُساهمة  menbar alsout al3ira8y في السبت فبراير 13, 2010 11:52 pm

    أبو أحمد الحداد المسعودي

    يابعثْ اليسُولفْ عنه أوباما ..... وياحزبْ اليريدْ اليُوم : نخضعله !؟
    ويازمرَة خباثه إلسانها الأوباشْ ..... رفيق وهَمْ مُناضلْ وإنته : تفزعله !؟

    رئيسْ أركانْ جيشكْ شنهو كَصدَه الكالْ .... خلو للبعثْ إمجانْ : يرجعله

    ياهو الي يقرّر يحكُم الهَلْ الناسْ ...... حتى إنته التكوله إلزومْ نتبعله !

    قجَقْ إنته إجيتْ وكوَه هَم شفناكْ ...... وبسطالكْ يدوسْ الكاعْ وأشوف الكاعْ مشتعله

    محتلينْ إنتو وإجيتو للنفطاتْ .... كلنه إتهون لئن حزب البعث مهزوم من فعله

    كُلْ يُوم إبعكسْ والناسْ طكها الظيم ..... وإنته إلسانكْ اليرغبله يلطعله

    ندين إحنه البعثْ وسجونه والتعذيبْ ..... وندينْ اليأيدَه اليفزعْ المثله !

    مقابرنه التسُولفْ والوَطنْ منكوبْ .... وإنته الي تريد إبظلمه تشفعله

    وسيُوف الرفاق الحزة الهل الرووسْ .... وأيتام وثكالى الموتْ صايعله

    داسّوا كُلْ قيمنه وذبحوا الرضعانْ ..... وباكونه إبوكاحه : إنته التشيعله !!

    شتريد العرَبْ وفلولها الأرذالْ ...... يُوميه إبقوانه إتريد تفزعله

    البعث خط أحمر إنرسمه إبخطر للناسْ .... ومايرجع أبد لا والله نهرَعله

    هيهاتْ اليكلكْ نخضعْ إبترهيبْ .... ويردْ البعثْ .. بالشارعْ إنسحله

    حتى أكرادنا الفيليه هم شجعانْ ...... وأكراد الشمالْ إتدينْ كُلْ فعله

    إسألْ للتريده من الشعبْ وإختارْ ...... لحد ماتقتنع وإتكَذبْ العدله

    بسَكْ لاتسولفْ كلنه وجعانينْ ...... وطاري للبعثْ منريد نسمعله




    تمت ولله الحمد
    هولنده
    كتبت للرد على تصريحات القائد الأمريكي لعودة حزب البعث الملعون ومشاركته بالإنتخابات البرلمانيه ! هيهات منا الذله !

      الوقت/التاريخ الآن هو السبت يوليو 21, 2018 9:19 pm