منبر الصوت العراقي غرفة جميع الاطياف العراقيه

منبر الصوت العراقي غرفة جميع الاطياف العراقيه


    بجفوف الامــــــــــــــــــــــس

    شاطر
    avatar
    menbar alsout al3ira8y
    المدير العام

    المساهمات : 637
    تاريخ التسجيل : 14/01/2010
    العمر : 45

    بجفوف الامــــــــــــــــــــــس

    مُساهمة  menbar alsout al3ira8y في السبت فبراير 20, 2010 5:43 am

    بجـــــــــــــــ الامس ـــفوف

    بجفوف الامس تذبحي باجر ليــــــــــــــــش
    جي كتلك اجيت لباجرك محتاج

    وتبوك الشمس وسط النهار شبيـــــــــــــك
    وعلى عيوني بنيت من الظلام سياج

    البحر يلطم جروفة ويزعل ويختـــــــــــــــاض
    وانة اعرف سبب لو مرة ضاج وهاج

    اذا شاف السفينة تسير بامر الريــــــــــــح
    يستهضم تعبرة يهد عليهة اموج

    الملك انة الاعرفة وما حنيت الــــــــــراس
    مو مثلك ادنك لو شفت بس تاج

    صدك محتاج بس ما مد جفوف الايـــــــد
    ونتة الي تمدهن وانتة ما محتاج

    تضيع هيبتي ورايد ملاك تصيــــــــــــــــــر
    وك شيطان اعرفك ياوكــــت اية

    مو كلمن نفخ يتسمة عازف نـــــــــــــاي
    العازف نعرفة بلزمتة الناية

    لعازف لو حزن تحزن عليه امــــــــــــــــوات
    وطرشان التسمعة وتصطبي لراية

    مو كلمن صعد عالمهرة فارس صـــــــــار
    ترة الفارس يبان برفت الراية

    اكو البلا فرس والسيف هم مـــــــــــــثلوم
    واذا غار بحرب سوا هة دماية

    ومو شرط القليل يخاف من هــــــــــــــواي
    ابو فاضل وحيد وخوف هواية

    اكو واحد يرائي ويلطم علة حســــــــــــين
    واكو ناصب عزاء بروحة وقراية

    واكو ولاية جبيرة وما تضيف بيـــــــــــــــــت
    واكو بيت الصغير يضيف ولاية

    واكو بحر اليجف بالذلة راضي يعــــــــــيش
    واكو لروحة يطمهة لو نشف ماية

    اكو عاقل تكلمة وما يفهمك يــــــــــــــــوم
    وكو مسودن يفهمك باول حجاية

    واكو صاحب تشدة بضهرك انتة حــــــــزام
    وكو تحول رمح جي ردتة تجاية

    العكرب لو لدغ صحبانة أضــــــــن معذور
    اعمة ومايشوف ومبتلي بداية

    بس شنهي العذر للعدهة عين تشـــوف
    هية علة الغدر متعلمة الحياية

    وسميتك صكر كلتانة اشكعك عــــــــــود
    وتدري اغراب اعرفك جنت اجامل بيك

    خلص عمرك تترس جرتـــــــــــــــك بحجار
    وحدر جدمك نهرجاما تشوفة شبيك

    وعلية نوب صاير انتة بن شـــــــــــــــــداد
    روح ورد عبلتك حتة قيمة انطيك

    وهد بجيش كامل وانة هــــــــــــد بخلاق
    ومثل نور الشمس اخلاقي بيهة اعميك

      الوقت/التاريخ الآن هو الإثنين نوفمبر 19, 2018 4:55 am