مامرتاح للشاعر کاظم سماعیل الگاطع

وقصيدتي :
(للشاعر كاظم اسماعيل الكاطع)


مامرتاح...... مامرتاح ..... مامرتاح
عيوني تستحي..... بس الدموع وكاح
مامرتاح
منك... مني..... .من الجاي من الراح
مامرتاح
عركه ويه الزمان ورجعنه مكسورين!
وبعيده المسافه ..... وينسي الي طاح
مامرتاح
لان شفت الشمس نزلت تبوس الكاع
وبجف......... الطفل....... تنلاح
ولان قاضي البلابل مدد التوقيف
ومفتوحه السمه
والفيل عنده جناح!

مامرتاح
لان قفل المحبه نباك
وترهم علي مفتاح

متروك بجزيره وتيهت بالليل
واجو ربعي عليه بقافلة اشباح

وانته شبيك???????
لمن دافعت عن نفسي صابك غيض
موحته الكنافذ من تحس بالخوف
تستعمل جلده سلاح

مامرتاح من ربعي ولامرتاح
تمساح بنهرهم صاحوا من الخوف
وجازفت بحياتي من سمعت صياح
صارعت المنيه وبيده هزني الموت!!
ومدمى اطلعت
صفكوا للتمساح

كل ....هذه وتريد ارتاح??????????

مامرتاح
ولاجن الفجر مثل الفجر محبوب
لون الفجر صاير يقبض الارواح!!!
رجعت الستاره بحركه عالشباك
ورثيت الورد
وبجيت من شفت الندى فوك المدافع
طاح

قل شوف السفينه والضباب يزيد
وسيوف الملامه بجلوة الملاح
ياسن الصخر وتكسرت بالروج
موجنت بزمانك ترعب السفان؟؟؟
مامرتاح من ربعي ولامرتاح

نادوني ...وركضت بليييييييل
ايد الرسن بيه وايد بيه سلاح
عثرت مهرتي...وربعي كبل ما اطيح
واحد كال ,,,,,,, للثاني
ابشرك طاح ....ابشرك طاح

للشاعر کاظم سماعیل الگاطع